na nosa casa son tempos de ciclo reproductivo: despois do nacemento dos rabirrubiños (que o martes pasado abandoaron o niño e xa deben de andar voando de viña en viña de albariño) a pata muda comenzou a chocar 16 ovos e case non sae de enriba deles; nunhas dúas semanas veremos se nace algún parruliño.
Onte a coella deu a luz a uns 6 coelliños que polo momento son ben feos; se cadra algúns de vostedes non saiban que antes do parto a coella fai un niño arrincándose pelos do seu peito.
E por enriba un dos pitos xa está feito todo un mozo, estalle a cambiar a voz e xa ghalea ás galiñas.