xa hai tempo que non falo de mopa a gata viaxeira. Parece que a mudanza ó campo non lle sentou mal e acostumouse moi rápido á súa nova casa. Penso que foi un cambio a mellor: agora pode botar as súas sestas na leira, comer herbas sen parar para purgar a súa delicada barriga, perseguir moscas todo o día, coñecer novos amigos como pitos e parruliños ou seguir con ollos sorprendidos ós paxaros voadores.
Na foto poden ver que todavía intenta comprender o por qué de todas esas columnas de pedra plantadas na leira para que ela suba por elas.